ЖАСӨСПІРІМДЕРДІҢ ЭМОЦИОНАЛДЫҚ ƏЛ-АУҚАТЫН ҚАЛЫПТАСТЫРУДАҒЫ СЫНЫП ЖЕТЕКШІСІНІҢ РӨЛІ

Abstract

Мақалада жасөспірімдердің эмоционалдық əл-ауқатын қалыптастырудағы сынып жетекшісінің педагогикалық-психологиялық рөлі кешенді түрде талданады. Қазіргі қазақстандық білім беру жүйесінде жасөспірімдер арасында психоэмоционалдық тұрақсыздықтың, мазасыздық пен агрессияның, сондай-ақ суицидтік мінез-құлықтың өсуі сынып жетекшісінің қолдау көрсету функциясының өзектілігін арттырады. Эмоционалдық əл-ауқаттың теориялық негіздері отандық жəне халықаралық ғылыми зерттеулерге сүйене отырып қарастырылып, сынып жетекшісінің тұлғалық-бағдарлы, гуманистік жəне қолдаушы рөлі айқындалды. Мақалада сынып жетекшісі қызметінің мүмкіндіктері мен оған əсер ететін жүйелік шектеулер сарапталып, оқушылардың эмоционалдық қауіпсіздігін қамтамасыз етудегі оның кəсіби құзыреттерінің маңызы негізделеді. Теориялық талдау нəтижелері эмоционалдық қолдау, эмпатия, эмоцияларды тану жəне реттеу қабілеттері, сондай-ақ сенімді педагогикалық қарым-қатынас жасөспірімдердің əл-ауқатын арттыратын негізгі факторлар екенін көрсетеді.