БОЛАШАҚ ПЕДАГОГ-ПСИХОЛОГТЕРДІҢ ТЬЮТОРЛЫҚ ҚҰЗЫРЕТТІЛІГІН ҚАЛЫПТАСТЫРУДЫҢ ПЕДАГОГИКАЛЫҚ ШАРТТАРЫ
Аннотации
Қазақстан Республикасының жоғары білім беру жүйесін реформалау жағдайында білім
алушылардың жеке дамуын тиімді сүйемелдеуге қабілетті педагог-психологтерді даярлау ерекше маңызға ие.
Зерттеудің өзектілігі жеке білім беру траекторияларын ұйымдастыруды, өзін-өзі ұйымдастыруды қолдауды
жəне білім алушылардың жеке тұлғасын дамытуды қамтамасыз ететін мотивациялық, танымдық, іс-əрекеттік
жəне рефлексивтік компоненттерді қамтитын тьюторлық құзыреттілікті қалыптастыру қажеттілігімен
шартталған. Зерттеудің мақсаты Қазақстан Республикасының жоғары білім беру жүйесінде болашақ педагогпсихологтердің тьюторлық құзыреттілігін қалыптастырудың педагогикалық шарттарын теориялық тұрғыдан
негіздеу болып табылады. Мақсатқа жету үшін отандық жəне шетелдік ғылыми дереккөздерге талдау жасалып,
студенттердің кəсіби құзыреттіліктерін кешенді дамытуды қамтамасыз ететін мазмұндық,
ұйымдастырушылық, психологиялық жəне педагогикалық жағдайлар анықталды. Теориялық талдау
нəтижелері көрсеткендей, барлық бөлінген шарттарды біріктіру болашақ мамандардың тьюторлық қызметке
кəсіби дайындығын қалыптастыруға ықпал ететін тұтас жүйені құрайды. Алынған қорытындыларды педагогпсихологтерді даярлаудың оқу бағдарламаларын, ұйымдастырушылық-педагогикалық іс-шараларын,
практикалық тренингтерді əзірлеуде пайдалануға болады.