Көру етістіктерінің танымдық сипаты

Abstract

Салыстырмалы типологиялық әдіспен үнді-еуропа тілдерін зерттеу салғастырмалы тіл біліміндегі біршама жаңа бағыт болса, түркі және герман тілдерін салғастыра зерттеу – енді ғана дамып келе жатқан бағыт. Сондықтан түркі-герман, оның ішінде неміс тілін қазақ тілімен салғастыра зерттеуде шешімін таппаған мәселелер, міндеттер жеткілікті. Монография түркі-герман, оның ішінде неміс-қазақ тілдеріндегі көру етістіктерінің лексика-семантикалық өрісін танымдық тұрғыда салғастыра зерттеуге арналған. Ғылыми зерттеу жұмысы теориялық және қолданбалы бағытта жазылған кешенді еңбек. Автор монографияның теориялық бөлімдерінде берілген принциптердің практикалық бөлімде неміс және қазақ тілдеріндегі көру етістіктері негізінде қалай жүзеге асқандығын көрсетеді, оларға танымдық тұрғыдан сипаттама береді. Монографияның теориялық бөлімдерінде тіл білімінде, оның ішінде қазақ тіл білімінде танымдық теорияның қалыптасуы, даму бағыты талданып, семантикалық өрісті зерттеудің салыстырмалы және салғастырмалы аспектілері сипатталған. Зерттеу жұмысының практикалық бөлімінде аталмыш өрісті ұйымдастыратын лексика-семантикалық байланыс түрлері анықталып, олардың құрамы айқындалған. Екі тілдегі көру етістіктері, көру мәнді фразеологизмдер лексика-семантикалық және фразео-семантикалық топтарға бөлініп, олардың ерекшеліктері мен ұқсастықтары негізделіп, танымдық тұрғыда сипатталған. Монография тіл білімімен айналысушы қауымға арналады.