Көп нуклондық берілу реакцияларын зерттеу үшін SHELS кинема-тикалық сепараторын және GABRIELA детекторлық жүйесін пайдалану
xmlui.dri2xhtml.METS-1.0.item-title-alternative
Использование кинематического сепаратора SHELS и детектирующей системы GABRIELA для изучения реакций многонуклонных передач Use of SHELS kinematic separator and GABRIELA detection system for studying multinucleon transfer reactions
Аннотации
Біріккен ядролық зерттеулер институтының (БЯЗИ) Ядролық реакциялар зертханасында (ЯРЗ) SHELS сепараторында Z ≥ 82 болатын ауыр ядролардың жаңа изотоптарын синтездеу, олардың радиоактивті ыдырау қасиеттерін және түзілу көлденең қималарын зерттеу бойынша тәжірибелер жүргізілуде. Бұл зерттеулердің мақсаты – радиоактивті ыдырау қасиеттері мен ауыр ядролардың қалыптасу процестерін анықтайтын ауыр элементтер ядроларының құрылымындағы жаңа заңдылықтарды зерттеу. Бұл зерттеулер ядролық тұрақтылықтың теориялық модельдерін жетілдіру, ұзақ өмір сүретін аса ауыр изотоптарды анықтау және ядролық технологиялар саласындағы практикалық қосымшаларды әзірлеу үшін аса маңызды.
Жұмыста негізгі назар тәжірибе әдістемесіне – көп нуклондық берілу реакцияларын зерттеу үшін GABRIELA детекторлық жүйесі мен SHELS кинематикалық сепараторын қолдануға аударылады.
Атап айтқанда, SHELS сепараторы мен GABRIELA комбиницияланған детекторлық жүйесін пайдаланып жүргізілген, нысана ядроларына қарағанда протон саны жоғары ядролардың түзілуіне әкелетін ⁴⁸Ca + ²⁰⁸Pb, ⁵⁰Ti + ²⁰⁸Pb және ⁴⁰Ar + ²⁰⁹Bi көп нуклондық берілу реакцияларын зерттеу нәтижелері ұсынылады.
Жылдамдық фильтрі SHELS көмегімен осындай тәжірибелерді жүргізу көп нуклондық берілу реакцияларын зерттеуде кинематикалық сепараторлардың мүмкіндіктерін тереңірек түсінуге мүмкіндік береді. Сонымен қатар, жұмыста сипатталған зерттеу әдістері ауыр және аса ауыр ядролардың радиоактивті ыдырау қасиеттерін тәжірибелік зерттеуде сәтті қолданылып келеді.