Конфессияаралық келісім қазақстандық тұрақтылықтың негізі ретінде

Abstract

Мақала тұрақтылық факторы ретіндегі конфессияаралық келісім үлгісін қалыптастыру бойынша қазақстандық тәжірибені талдауға арналған. Авторлар конфессияаралық және мемлекеттікконфессиялық қатынастарды реттеу саласындағы мемлекеттік саясаттың қалыптасуы мен дамуын ғылымаралық қағида негізінде жан-жақты қарастыра отырып, әлеуметтік-мәдени, құқықтық тетіктерін ашып талдаған. Қазақстандық зайырлылық пен дінаралық сипаттағы шиеленістерге қарсы іс-қимыл бойынша шаралардың ерекшеліктері ашып көрсетілген. Сондай-ақ полиэтносты және поликонфессиялы қоғам жағдайындағы бейбітшілік пен келісімді қамтамасыз етудегі Қазақстан халқы Ассамблеясының рөлі сипатталады. Мақала дін саласын зерттейтін саясаттанушы, дінтанушы, әлеуметтанушы, құқықтанушы мамандарға, әлеуметтік-гуманитарлық мамандықтар бойынша білім алушы студенттер мен магистранттарға, сондайақ мемлекеттік-конфессияаралық қатынастарды реттеумен байланысты қызмет атқаратын мемлекеттік қызметшілерге және аталған мәселеге қызығушылық танытушы қоғамның басқа да өкілдеріне құнды ақпарат бере алады.