Аннотации:
Медициналық тәжірбиеде рентгенологиялық зерттеулер нақты диагноз
қоюда және емдеудің сапасын бақылауда маңызды рөл атқарады.
Рентгенологиялық зерттеу бір немесе бірнеше рентгенологиялық процедуралардан
тұратын ауруларды диагностикалау және алдын алу мақсатында пациентті тексеру
үшін рентген сәулесін пайдалану болып табылады. Мақсатты рентгенография –
зерттелетін органның шектеулі бөлігінің жалпақ бейнесін алуға мүмкіндік беретін
рентгендік зерттеу әдісі.
Маммография – сүт безі қатерлі ісігін диагностикалаудың ең ауқымды әдісі. Оның
көмегімен тіндер мен түзілімдердегі кез келген сатыдағы патологиялық өзгерістерді
анықтауға болады.
Сүт безі қатерлі ісігі анықталған науқастардың орташа жасы 61,5 жасты құрайды.
Сүт безі қатерлі ісігін емдеудің нәтижесі ісіктің анықталған сатысына тікелей
байланысты, сондықтан сүт безі қатерлі ісігін ерте диагностикалау мәселесі өзекті
мәселелердің біріне айналды. 40 жасқа дейін маммография скриннинг ретінде
ұсынылмайды, себебі бұл жаста сүт безі қатерлі ісігінің пайда болуы сирек
кездеседі. Маммография профилактикалық мақсатта 40 жастан бастап 2 жылда 1
рет, ал 50 жастан 60 жасқа дейін жыл сайын, содан кейін 2 жылда 1 рет жүргізіледі.
Бұл мақаланың мақсаты – цифрлық және аналогтық рентген-маммографиялық
аппараттарды пайдалану кезіндегі сәулелік жүктемеге салыстырмалы бағалау
жүргізу.
Мақалада аналогтық және цифрлық рентген-маммографияны жүргізу кезіндегі
сәулелік жүктемені азайту мүмкіндігі салыстырылды және бағаланды.
