Өндірістік саладағы кәсіпкерлікті дамыту мүмкіндіктері

Abstract

Мақалада Қазақстан өңірлерінің өндірістік саласында кәсіпкерлік қызметті дамыту тетіктерін қолдануды талдау және оны жақсарту бойынша ұсыныстар әзірлеу қарастырылған. Зерттеу үрдісінде бақылау, сипаттау, талдау және синтез сияқты жалпы ғылыми зерттеу әдістері, сондай-ақ салыстырмалы, формальды-логикалық және танымның басқа әдістері қолданылды. Зерттеушілік ақпараттық база ретінде шағын және орта кәсіпкерлік жобаларын құру және дамыту кезінде көмек көрсететін «Даму» кәсіпкерлікті дамыту қоры» АҚ жобалары бойынша статистикалық деректер, сондай-ақ Қазақстан Республикасында бизнесті оңай жүргізуге байланысты Дүниежүзілік Даму Банкінің экономикалық шолулары және елдегі инновациялық реформалардың орындалу барысын талдай отырып, экономикалық ынтымақтастық және даму ұйымының жыл сайынғы есептері пайдаланылды. Мақалада өңірлік және салалық бөліністе шағын және орта кәсіпкерлік саласындағы кәсіпорындар саны бойынша өзекті сандық ақпарат көрсетілді және талданды. Қаржыландыру нысандары мен көздері зерттелді, Қазақстан Республикасында шағын және орта кәсіпкерлік кәсіпорындарын дамыту ерекшеліктері анықталды. Өндірістік салада кәсіпкерлікті дамыту жолдары ұсынылды.