Кәсіпорын тәуекелдерін басқарудағы ақпараттық технологиялардың ролі

Abstract

Мақала кәсіпорындардың тәуекелін басқарудағы ақпараттық технологиялардың маңыздылығын анықтауға және сараптама жүргізуге бағытталған Қазіргі уақытта ақпараттық технологиялар экономикалық, әлеуметтік және т.б. стратегиялық маңызды функцияларды атқарады. Сондықтан да, кәсіпорындағы ақпараттық технологиялардың динамикалық дамуын қамтамасыз ету үшін басқару механизмдерін тиімді пайдаланудың маңыздылығына талдау жасалды, сонымен қатар, аталмыш саладағы кәсіпорындардың бәсекеге қабілеттілігін арттыру үшін инновациялық басқару механизмдерін ажырата білу қажеттілігі сараланды, нәтижесінде тәуекелді басқаруда ақпараттық технологияларды эффективті түрде басқару жүйесін ұйымдастыру шараларын тиімді жоспарлау мүмкіндіктері талданды. Мақалада қарастырылған басқару механизміне миссия, мақсат, міндеттер, принциптер, функциялар және басқару әдістері кіреді. Сонымен қатар, жоспарлау, ұйымдастыру, ынталандыру, үйлестіру, бақылау механизмдері сипатталды және басқару механизмдерін қалыптастыру жолдары ұсынылды. Инновациялық басқару механизмдері де ақпараттық технологияларды пайдалану тарапынан алға жылжу көзі ретінде қарастырылды. Мұндай жағдайларда, кәсіпорында тәуекел-менеджментті ұйымдастыруды бірыңғай жүйелі тәсіл шеңберінде жүзеге асыру қажет, бұл мынадай міндеттерді шешуді кешенді іске асыруды көздейді: тәуекелдерді басқарудың жалпы саясатын қалыптастыру, тәуекелдің қолайлы деңгейін, жол берілетін ысырапты айқындау; тәуекелдерді сәйкестендіру және олардың әсерін бағалау, тәуекелдерді саралау; тәуекелдерді басқару әдістемелерін айқындау; технологиялық талаптарды бекіту, операцияларға лимиттер белгілеу, ресурстар көлемі, қызметкерлердің өкілеттіктерін шектеу және т. б.; талаптар мен рәсімдердің сақталуын бақылау жүйесін қалыптастыру; тәуекелдің ағымдағы деңгейін, компанияның технологиялық, басқарушылық және қаржылық көрсеткіштерін талдау; талаптарға, лимиттерге және рәсімдерге түзетулер енгізу және т. б.