Аумақтық даму бағдарламаларын іске асыру кезінде туризмді дамыту мақсаттарына қол жеткізу тиімділігін бағалау
Аннотации
Бұл мақала туризмді дамытудың нысаналы индикаторларына қол жеткізу тұрғысынан аумақтарды дамыту бағдарламаларын іске асырудың тиімділігін бағалауға арналған. Зерттеу процесінде мемлекеттік жоспарлау жөніндегі уәкілетті орган
бекіткен мақсаттарға қол жеткізу тиімділігін бағалау әдістемесі, сондай-ақ байқау,
сипаттау, салыстырмалы, формальды-логикалық және танудың басқа да әдістері сияқты зерттеу әдістері қолданылды. Зерттеудің ақпараттық базасы ретінде 17 өңірдің
аумақтарын дамытудың бекітілген бағдарламаларының деректері, Стратегиялық
жоспарлау және реформалар жөніндегі Агенттіктің Ұлттық статистика бюросының
«Қазақстан туризмі» статистикалық жылнамалары пайдаланылды. Бұл ретте аумақтарды дамыту бағдарламаларын іске асыру кезінде туризмді дамыту мақсаттарына қол жеткізудің тиімділігі мәселелерін зерделеуге арналған зерттеулер бойынша деректерді сұрыптауды, есептеуді және түсіндіруді авторлар дербес жүзеге асырды. Зерттеу
нәтижелері бойынша нысаналы индикаторларға қол жеткізу коэффициенттерінің есебі
жүргізілді, 14 облыстың және республикалық маңызы бар 2 қаланың және астананың аумақтарын дамыту бағдарламаларын іске асыру шеңберінде туризмді дамыту бойынша
жергілікті атқарушы органдар қызметінің тиімділік дәрежесі бағаланды, қолданыстағы
әдістеменің кемшіліктері анықталды және оны жетілдіру бойынша ұсынымдар берілді.