Аннотации:
Қазіргі қазақстандық білім берудің негізгі мақсаты білім, білік және дағдыларды
оқытушыдан білім алушыға репродуктивті түрде беру ғана емес, сондай-ақ білім алушының оқу мәселесін өз бетінше анықтау, оны шешу алгоритмін құрастыру, процесті басқару қабілетін толық қалыптастыру және дамыту, нәтижесін бағалау болып табылады.
Оқу-тәрбие процесінің тиімділігі білім беру технологияларының қолдану деңгейімен анықталады. Қазіргі оқу үрдісін білім алушылардың шығармашылығын дамытуға ықпал ететін жаңа, тиімді педагогикалық технологияларды іздемей елестету мүмкін емес. Химия ғылым ретінде үнемі дамып келеді және қазіргі әлемде ақпараттық-коммуникациялық технологиялар (АКТ) оны зерттеу және эксперимент жүргізу әдістерін жетілдіруде маңызды рөл атқарады. Осы мақалада АКТ-ның химиялық эксперименттерді жүргізуді жақсарту және олардың тиімділігін арттыру үшін қандай мүмкіндіктер беретінін қарастырамыз.
