Аннотации:
Мақала Қазақстандағы жеткіншектер арасындағы суицидтік мінезқұлықтың алдын алу мәселесіне арналған. Авторлар жеткіншектік кезеңнің
психологиялық ерекшеліктеріне тоқтала отырып, суицидтік мінез-құлықтың
жиілеуінің себептерін және осы саладағы алдын алу шараларының маңыздылығын
негіздейді. Мақалада Қазақстан Үкіметі мен халықаралық ұйымдардың (атап
айтқанда, ЮНИСЕФ) осы мәселені зерттеуге және шешуге бағытталған
бастамалары, жүргізілген зерттеулердің (психологиялық аутопсия,
эпидемиологиялық мониторинг, тереңдетілген сұхбаттар) мақсаттары, әдістемесі
мен негізгі міндеттері сипатталады. Сондай-ақ, Қазақстандағы психолог қызметінің
жеткіншектер суицидінің алдын алудағы жүйесі, оның негізгі бағыттары
(ақпараттандыру, ата-аналармен және мектеп қызметкерлерімен жұмыс,
медициналық мекемелермен ықпалдасу, үздіксіз көмек) талданады. Мақала
қоғамдағы стигманы азайту және психикалық денсаулық мәдениетін дамыту
қажеттілігін атап өтеді.
