СОЛТҮСТІК ҚАЗАҚСТАНДАҒЫ ОРМАН АЛҚАПТАРЫНЫҢ ТАБИҒИ ТАРАЛУЫ ЖӘНЕ ОЛАРДЫҢ ҚАЗІРГІ КЕЗДЕГІ ЖАҒДАЙЫ

Abstract

Мақалада Солтүстік Қазақстан облысының орман алқаптарының табиғи таралу ерекшеліктері, олардың қазіргі экологиялық жағдайы және антропогендік факторлардың әсері қарастырылады. Орман экожүйелері аймақтың климаттық тұрақтылығын сақтауда, топырақ эрозиясының алдын алуда және т.б. ауқымды мәселелерді қамтамасыз етуде маңызды рөл атқарады. Алайда, соңғы жылдары орман алқаптарының ауданы қысқарып, олардың сапасы төмендеуде. Зерттеу барысында орман алқаптарының таралу заңдылықтары, олардың қазіргі жайкүйі, климаттық және антропогендік факторлардың әсері анықталды. Зерттеу нәтижелері Солтүстік Қазақстан облысының орман ресурстарын сақтау және ұтымды пайдалану бойынша кешенді шаралар қабылдау қажеттігін көрсетеді. Орман шаруашылығын дамыту үшін мемлекеттік бақылауды күшейту, жасанды орман екпе ағаштарын көбейту, жаңашыл әдістерді пайдалану және халықтың экологиялық мәдениетін арттыру маңызды.