Аннотации:
Мақалада Арал ауданының әлеуметтік-экономикалық даму перспективалары
кешенді түрде қарастырылады. Ауданның экономикалық құрылымы ауыл шаруашылығы,
балық өнеркәсібі және тұз өндірісіне негізделген. Арал теңізінің тартылуы аймақтың
экожүйесіне және тұрғындардың өмір сүру сапасына елеулі әсер еткен. Зерттеу барысында
жүргізілген сауалнама нәтижелері өңір тұрғындарының әлеуметтік-экономикалық жағдайға
көзқарасын анықтауға мүмкіндік берді. Негізгі мәселелер ретінде жұмыссыздық, өнеркәсіптің
дамымауы, инфрақұрылымның әлсіздігі және экологиялық проблемалар аталды. Мақалада
аймақтың тұрақты дамуын қамтамасыз ету үшін жасыл экономика, өнеркәсіптік
әртараптандыру, су ресурстарын үнемдеу және әлеуметтік инфрақұрылымды жетілдіру
бойынша ұсыныстар берілді.
