М.Дулатұлының публицистикалық еңбектеріндегі ұлттық құндылықтар
Аннотации
Алаш ардагерлерінің публицистикалық еңбектерін зерделеп-зерттеу бүгінгі
күннің басты міндеті болып қана қоймай, өткенімізге үңілуге, бүгінімізді саралап,
болашағымызға бағыт-бағдар жасауымыз үшін қажет. Әсіресе бұл міндеттің
қазіргі тәуелсіздік жағдайында өмір сүріп, әлемге танымал бола бастаған еліміз
үшін маңызы ерекше.
Міржақып Дулатов демократтық бағытты ұстаған қазақ халқының ағартушысы
болды. Өзінің «Оян, қазақ» поэтикалық манифесімен қатар, қазақ әдебиеті оқулығының жаңа әдістемесін жасап, ұлт мектептерінде оқытудың жаңа жобасын
ұсынды. Оның идеялары қазақ халқының дамуын жаңа сатыға көтерді.
Міржақып Дулатовтың шығармашылығы көпқырлылығымен ерекшеленеді. Ол –
ақын,көсемсөз шебері. Ол – аласапыран кезеңнің бар ауыртпалығын көрген, ұлтын
ерекше сүйген қайраткер. Сондықтан Міржақып Дулатовтың шығармашылығын
тұйықтап тастамай, сол кезең аясында, саяси-мәдени ортамен бірлікте, тұтастықта қарастыруға талпыныс жасадық.