Аннотации:
Бүгінгі таңда коммуникациядағы агрессия құбылысы күшейіп, оны ғылыми тұрғыдан зерттеу мәселесі өзекті болып тұр. Тілдік
агрессия тек виртуалды коммуникацияға емес, тұлғааралық қарым-қатынасқа да үлкен әсерін тигізіп жатыр. Тілдік агрессия БАҚ-та және әлеуметтік желілерде кеңінен қолданылуда. Аталмыш құбылыс ашық түрде ғана
емес, имплицитті (жасырын) түрде де көрініс табады. Тілдік агрессияның
имплицитті түрін анықтау қиын. Ол қоғамдық пікір қалыптастырыпжәне
шиеленістерді күшейтіп қана қоймай, елдегі моральдық-әлеуметтік ахуалға да ықпал етеді. Зерттеуде «Жас Алаш» республикалық қоғамдық-саяси газетіндегі тілдік агрессия құбылысы талданған.«Жас Алаш» газетіндегі тілдік агрессияны зерттеу барысында имплицитті агрессия талданып,
оның оқырманға әсер ету механизмдері қарастырылды. Мақалада шетелдік және отандық ғалымдардың зерттеулеріне сілтемелер жасалған. Бұл
медиа саласындағы жасырын тілдік агрессияның табиғаты мен салдарын
тереңірек түсінуге мүмкіндік береді. Мақалада алынған нәтижелер медиасауаттылықты арттырудың және тілдік агрессияны азайту үшін тиімді
стратегияларды әзірлеудің қажеттілігін көрсетеді. Сонымен қатар, бұл
зерттеу тілдік агрессияның қоғамдағы бейбітшілік пен өзара түсіністікке
қалай кері әсер ететінін анықтауға бағытталған маңызды қадам болып
табылады.
