Күй аңыздарындағы мәдени символдар мен тілдік таңбалардың лингвомәдениеттанымдық сипаты
xmlui.dri2xhtml.METS-1.0.item-title-alternative
Лингвокультурная природа культурных символов и языковых знаков в легендах кюев The linguocultural nature of cultural symbols and linguistic s
Аннотации
Мақалада қазақтың күй аңыздарындағы мәдени символдар мен тілдік таңбалардың табиғаты, қызметі және ұлттық санадағы рөлі лингвистика мен мәдениеттану ғылымдары даму бағыты перспективасынан талданады. Зерттеу бай фольклорлық мұра мен дәстүрлі баяндауды біріктіре отырып, күй аңыздары мен музыка арасындағы семиотикалық өзара қатынасқа назар аударады. Күй аңыздарындағы мәдени символдар мен тілдік таңбалар – ұлттың дүниетанымымен етене жақын ұғымдар. Тілдің қызметі тек коммуникативтік рөлмен шектелмейтіндігі сондықтан. Ол осы негізгі қызметі аясында этномәдени ақпаратты жинақтап, сақтап, үздіксіз жаңартып, кейінгі ұрпаққа жеткізіп отыратын басты құрал болып табылады. Лингвомәдениеттану тұрғысынан талдау күй аңыздарының семиотикалық құрылымын, когнитивтік тереңдігін және әлеуметтік қызметтерін ашуға мүмкіндік береді. Бұл зерттеудің мақсаты – күй аңыздарындағы мәдени символдар мен тілдік таңбалардың лингвомәдениеттанымдық сипатын анықтау, олардың ұлттық дүниетаным мен мәдени кодты танытудағы қызметін айқындау. Жұмыстың жаңалығы аталмыш тақырыптағы ғылыми мақала ретінде, күй аңыздарындағы мәдени символдар мен тілдік таңбаларды лингвомәдениеттану интердисциплинарлы сала аясында терең талдауымен құнды. Зерттеу тіл мен мәдениеттің фольклорлық мәтінді қалыптастырудағы өзара ықпалы туралы маңызды деректер мен пайымдаулар ұсынады. Тілдік талдаулар мен мәдени интерпретацияны интеграциялау арқылы күй аңыздары контекстіндегі тіл мен мәдениеттің қиылысу механизмдерін айқындайды. Алынған нәтижелер фольклор мен күй аңыздарын зерттеуде лингвомәдени әдістеменің маңызын ашып, тіл, мәдениет пен фольклор арасындағы көпөлшемді, көпқабатты және күрделі ұғымдарды жүйелі түрде түсінуге үлес қосады.