Abstract:
Мақалада қарастырылатын негізгі мәселе Қазақстан Республикасының
шет елдік инвестицияларды тарту саясатын оның тартымдылығы, елдегі
қалыптасқан инвестициялық жағдай және сыртқы салымдардың көбею қарқыны
тұрғысынан талдау болып табылады. Қазақстан Республикасында инвестициялар
саласындағы нормативтік құқықтық актілерді қарастыру арқылы, бұл саланың
құқықтық негізде қорғалуын қарастыру. Инвестиция саласын дамытудағы
арнайы экономикалық аймақтардың орнын айқындау, оның елдің экономикасына
әсерін қарастыру. Қазақстандағы жұмыс жасайтын Қор биржаларының орнын
айқындау, инвестиция тарту саласындағы шараларын қарастыру. Қазақстанның
инвестиция тарту бойынша әлемдік рейтингтегі көрсеткіштерін қарастыру,
елге инвестиция салу бойынша қауіптер мен тәуекелдерді айқындау арқылы
ұсыныстар мен ескертпелер айтылды. Инвестицияларды тарту саласындағы
мемлекеттік органдардың жұмысын бағалау, «Kazakh Invest» компаниясының
инвестиция саласындағы мақсатын айқындау, ғылыми ұсыныстар беру жүзеге
асырылады.
