Мектеп математикасы – экологиялық құзіреттілікті дамыту құралы

Abstract

Қазіргі кездегі экологиялық мәселелер адамзат қызметінің барлық салаларына әсер етеді, сондықтан мектеп оқушыларды ықтимал экологиялық қауіптердің алдын-алумен таныстыру керек. Экологиялық білім беруді енгізу қажеттілігі және оқушылардың экологиялық мәдениетін қалыптастыру өзекті мәселе болып табылады. Мақалада «Математика» пәні аясында экологиялық білім беруді ұйымдастырудың ерекшеліктері қарастырылады. Математика мен экологияны байланыстыра оқыту мәселесін дамытуды көздейді. Оқушылардың экологиялық білімімен қатар экологиялық мәдениетін дамытуға әсер ететін негізгі бағыттар анықталады. Экологиялық мазмұндағы мәтінді есептердің мазмұны және міндеттері көрсетіледі. Экологиялық мазмұндағы мәтінді есептердің оқушылардың пәнге деген қызығушылығына, есептерді шығаруға ынтасының артуына қалай ықпал ететіні қарастырылады. Оқушылардың экологиялық мәдениетін арттыру мақсатында бірнеше экологиялық мазмұндағы есептердің мысалдары келтірілді. Мәтінді есептерді шығару арқылы оқушыларда қалыптасатын дағдылар баяндалды. Оқушылардың экологиялық мәдениетін қалыптастыруға бағытталған математиканы оқытуда оқушылар мен мұғалімнің өзара әрекеттесуінің негізгі формалары айтылады. Математикалық экологияның негізгі әдістері көрсетіледі. Математиканың негізгі қолданбалы аспектісі болып табылатын экологиялық мониторинг туралы түсінік берілді. Мектеп математикасының экологиялық құзіреттілікті дамытудағы негізгі құралдардың бірі болып табылатыны бірнеше дәлелдермен көрсетілді.